Irekita Bizkaian ekintzailetzari laguntzeko BBK EKIN proiekturako proposamenak egiteko epea
2019/11/13
- Hautatzen diren proiektuek laguntza ekonomikoa jasoko dute, hilean 2.000 €-ko soldata bi urtez, zehazki, ekintzaileek nork bere proiektuan baino ez jardun ahal izateko
BBK-k BBK EKIN proiektua abiatu du, enpresa-proiektuei laguntzeko programa, norberaren enpresa martxan jartzeko eta, horrela, Bizkaiko ekonomia-garapena sustatzeko konpromisoa duten ekintzaileak gogoan.
Hala, BBK EKIN Bizkaian bizi diren edo bertara itzuli nahi duten ekintzaileentzat da, adina alde batera utzita, beren enpresa-proiektu berritzailea martxan jarri nahi dutenentzat, hain zuzen. Zehazki, eratu gabeko proiektuak izan behar dituzte, edo, eratuta izanez gero, inolako jarduerarik gabe. Jarduketa-eremuari dagokionez, edozein izan daiteke, baina Bizkaiarekiko gizarte erantzukizun eta eraginerako ikuspegia eta lotura izan behar dituzte.
Hautatzen diren proiektuak ekintzaileei laguntzeko programa batean sartuko dira, eta bi urtez hilean 2.000 € jasoko dituzte. Era berean, laguntza ekonomiko hori beste erraztasun batzuekin osatuko da: aholkularitza goi-mailako profesionalen eskutik, gestoria eta aholkularitza, eta bazkide gehigarriak bilatzeko laguntza, besteak beste.
