Nazio Batuek Bilbo aukeratu dute Local 2030 Koalizioaren Idazkaritzaren egoitza izateko, eskualde eta toki mailan GIHak ezartzeko
- Egoitza Bizkaiko hiriburuan kokatuko da modu iraunkorrean.
Nazio Batuek berretsi dute onartu egin dutela Bilboko hautagaitza Local 2030 Koalizioaren Idazkaritzaren egoitza gisa. Egoitza Eusko Jaurlaritzaren eraikinean kokatuko da modu iraunkorrean, Maria Diaz de Haro kalean.
Erabaki horrek, halaber, 2030 Agendarekiko konpromisoaren arloan maila globalean lehentasunezkotzat jotzen den helburu bat indartuko du: Garapen Iraunkorrerako Helburuen kokapena sustatzea. 2030 Agendaren eta GIHen lokalizazio-prozesu global horren lehentasuna da agenda planetako toki- eta eskualde-gobernu bakoitzean errotzea, gobernuen maila anitzeko koherentzia sustatuz, eta eragile anitzeko eta diziplina anitzeko lankidetza publiko-pribatua mobilizatuz, behetik gora eraginkortasunez ezartzeko.
Local 2030 Koalizioaren funtsezko misioa 2030 Agendaren garapena eskualdeetako eta udalerrietako erakundeetan bultzatzea da. Kontuan hartu behar da, adibidez, klima-aldaketarekin eta haren arintzearekin lotuta garatzen diren jardueren % 70 estatuz azpiko erakundeen mende daudela.
