Financial Times-ek, inbertsio atzerritarra gogoan, Europako hiri ertain onenen 8. postuan kokatu du Bilbo
2022/03/14
- Sendotasun ekonomikoa, enpresa-ehuna eta gaitasun finantzarioa direla eta izan da saritua.
Bilbo tamaina ertaineko Europako zortzigarren hiririk onena (200.000 eta 500.000 biztanle arteko hiriak) da atzerriko inbertsio zuzena erakartzen, Financial Times argitaletxe ospetsuaren fDi Intelligence aldizkariaren arabera.
“European Cities and Regions of the Future 2022-2023” sailkapenaren edizio berri honetan, kuantitatiboki eta kualitatiboki balioetsi dute Bilbo Europako beste 367 hiriren artean. Sailkapena egiteko, Europako hainbat eskualde eta hiritako sendotasun ekonomikoa, enpresa-ehuna eta gaitasun finantzarioak aztertzen dituzte.
Datu garrantzitsu gisa, nabarmendu behar da Bilbo dela rankingean dagoen Estatuko tamaina ertaineko hiri bakarra. Ranking honen azken emaitzek agerian uzten dute Bizkaiko hiriburua Europako hiri garrantzitsuenen artean dagoela negozio-aukerak sortzeko orduan eta inbertsioa erakartzeko zein talentua atxikitzeko politiken garapenari dagokionez.
Gainera, Bilboko Udala hiriaren nazioarteko proiekzioa bultzatzeko, jarduera ekonomikoa sustatzeko eta atzerriko inbertsio zuzena erakartzeko azken urteotan egiten ari den lana azpimarratzen dute.
