Bizkaia:talent-ek aditu moduan parte hartu du Europako Batzordeak finantzatutako Nazioarteko PIPERS Proiektuko workshopean
2015/09/11
Uztailaren 8an, bizkaia:talent-ek Nazioarteko PIPERS Proiektuko workshopean parte hartu zuen Madrilen, Ekonomia eta Lehiakortasun Ministerioan, hain zuzen ere. Lan-topaketa horretan, Europako ikerkuntza-ibilbidearen garapenean inplikatuta dauden eragileek parte hartu zuten, jarduera egokiak antzemateko asmoz. Eragile horien artean, bizkaia:talent elkartea dago. Topaketa horretan, zenbait gomendio proposatu nahi zizkieten Europako Batzordeari, estatu kideei eta ikerketa finantzatzen duten erakundeei (RFO), besteak beste.
PIPERS nazioarteko proiektua da, Europako Batzordeak finantzatzen du 7PMren bidez eta British Councilek koordinatzen du. EURAXESSen gaitasunak sustatzea du helburu nagusi, ikertzaileei behar besteko babesa emateko eta diseinatzean nahiz euren lan-ibilbidea aukeratzean inplikazio proaktiboa eta informatua edukitzeko.
