Nazioarteko komunitateak landa-bizimodua ezagutu du Euskadiren bihotzean
2024/11/21
- 15 herrialdetatik baino gehiagotatik etorritako profesionalek eta graduatu ondokoek landa-eremuko esperientzia bat bizi izan dute Elorrioko Belaze baserrian.
Joan den azaroaren 16an, Bizkaia Talentek beste jarduera soziokultural bat antolatu zuen Elorrion (Bizkaia), bere Relocation & Be Basque Dual Career Centre zerbitzuak sustatzen dituen integrazio-ekimenen esparruan. Oraingoan, hogeita hamar lagun inguruk, prestakuntza handiko nazioarteko profesionalak, Be Basque Ambassadors programako graduatu ondokoak eta haien familiak elkartuta, paregabeko esperientzia bat bizi izan zuten Belaze baserrian, non Euskadiko landa-eremuko eguneroko bizimodua ezagutu zuten.
Jarduera baserrian, baratzean eta ukuiluetan zeharreko ibilbidea eginez hasi zen, bertaratuek baserritarraren lanbideak, euskal tradizioaren ikurra denak, izan duen historia eta bilakaera ezagutzeko. Horrez gain, iraunkortasunaren eta ekoizpen ekologikoaren garrantzia nabarmendu zen, gaur egungo baserritarrek transmititzen jarraitzen duten balio horiena, hain zuzen ere.
Helduek eta haurrek, landa-ingurunearekin elkarreraginean aritzeaz gain, bertatik bertara ikusi ahal izan zuten nola ekoizten diren produktu fresko eta iraunkorrak.
Ondoren, baserrian bertan egindako produktu ekologikoak dastatu ostean, pasieran ibili ziren Elorrioko alde zaharrean zehar, eta, jarduerari amaiera emateko, bertako jatetxe batean bazkaldu zuten.
Esperientziaz gozatu zuten pertsonak Argentina, Kanada, Txile, Kolonbia, Costa Rica, Kuba, Ekuador, Estatu Batuak, Hungaria, India, Iran, Italia, Mexiko, Herbehereak, Peru, Dominikar Errepublika eta Errusiatik etorriak dira, baita Euskadira itzulitakoak ere, eta beren lan-ibilbidea erakunde hauetan garatzen ari dira: Achucarro Basque Center for Neuroscience, Tecnalia Fundazioa, BC3 – Basque Centre for Climate Change, Ikerbasque, ITP Aero, Novocargo Transitarios, Senstile, Syngoi Technologies, EHU eta Deustuko Unibertsitatea, besteak beste.
Halako ekimenen bidez, Bizkaia Talentek Euskadira bizitzera etortzea erabaki duen nazioarteko komunitateari gizarte- eta kultura-inklusioa errazteko eremuak sortzeko konpromisoa berresten du. Hurrengo hitzordua Gabonetako festa irrikatua izango da, abenduaren 13an, urtea jai-giro atseginean agurtzeko ekitaldi tradizionala.
