Ikerbasquek ikertzaileak modu iraunkorrean kontratatzeko deialdi berria jarri du abian
2023/05/25
- “Permanent Positions 2023” deialdian eskabideak aurkezteko epea 2023ko irailaren 15ean bukatuko da.
Ikerbasquek, Zientziarako Euskal Fundazioak, behin-betiko 10 lanposturako deialdia ireki du, epe luzerako lan-ibilbidea Euskadin garatu nahi duten ikertzaileak erakartzeko eta finkatzeko.
Deialdia ikertzaile-mota hauentzat dago zuzenduta:
- Established Researchers: beren ikerketa-lerroak modu independentean garatzen dituzten doktorego-ondoko ikertzaileak eta beren arloko ikerketa bikaintasunean oinarritutako ospe sendoarekin garatzen dituztenak. Research Associate gisa postu iraunkor bat lortuko dute.
- Senior Leading Researchers: beren arloan ikerketa bikaintasunean oinarritutako nazioarteko ospea izan eta ikerketa-finantzaketa garrantzitsuak lortzeko ibilbide frogatua dutenak. Research Professor bezala postu iraunkor bat lortuko dute.
Hautagaiek ibilbide zientifiko sendoa, heldutasun profesional maila altua eta nazioarteko esperientzia zabala izan behar dute. Gainera, ikertzaileak ikerketa independenteak garatzea eta finantzaketa lehiakorra erakartzeko gai izatea espero da, baita ikerketa talde propioak eratzea ere. Emakumezkoen hautagaitzak bereziki ongi etorriak izango dira.
Deialdiari buruzko informazio gehiago: Permanent Positions 2023
