Fintech Open Innovation Lab: finantza-zerbitzurako startupen Euskadiko lehenengo inkubagailua
2019/03/20
- Proiektu aitzindari hau jaio da finantza-arloko zerbitzu eta jarduerak Internet bidez hobetzeko oinarri teknologikodun enpresa sortu berrientzat
Fintech Open Innovation Lab, Euskadiko lehenengo Fintech inkubagailua, Bilbao Berrikuntza Faktoriaren instalazioetan dago, alegia, Mondragon Unibertsitateak sustaturiko ikaskuntza- eta ekintzailetza-ekosisteman, eta Bilboko Udalaren, Bizkaiko Foru Aldundiaren eta Mondragon Unibertsitatearen beraren laguntza jaso du abiatzeko.
Gune berri honen xedea da Fintech esparruan enpresa berriak sor eta gara daitezen sustatzea. Horretarako, berrikuntzaren, inkubazioaren eta bizkortzearen arloetan laguntza emateko eredu bat ezarri du, mundu-mailan aukera paregabeak dituen enpresa-merkatuan garapen handiagoa ahalbidetze aldera.
Teknologia berrien merkatuan eta finantza-merkatuan eskarmentua duten enpresak, Dominion eta Abside, esaterako, erreferentziazkoak izango dira, eta beren ezagutza startupekin partekatuko dute laborategian, non gehienez 100 lagun ariko diren lanean urtebetez, edo bi urtez, luzatuz gero.
