Bilbon/Bizkaian integrazio soziokulturala lortzeko topaketa ludikoak
Hainbat urtetako esperientziaren ondoren, gure lurraldeko egonaldia gustukoa den ala ez aztertzeko orduan, Bilbotik/Bizkaitik kanpoko talentuen eta euren laguntzaileen integrazio soziokulturala funtsezkoa dela konturatu gara. Hori dela eta, honako hauxe lortu nahi dugu zerbitzu globalagoaren bitartez:
- Bizkaia Talent-eko zerbitzuekin lotutako estatuko edo nazioarteko pertsona prestatu-prestatuei gizarteratzen laguntzea.
- Pertsonen eta profesionalen arteko esperientzietan oinarritutako giro familiarragoa sortzea, topaketa zein jarduera ludikoen bitartez harrera-zerbitzua aberasteko eta balio erantsi handiagoa emateko.
NOLA EGITEN DUGU?
2012. urteaz geroztik, aldian aldiko topaketa soziokulturalak antolatzen ditugu giro lasaian, harreman pertsonalak eta profesionalak suspertzeko asmoz.
Pertsona horiei eta euren laguntzaileei behar besteko tresnak eskaini nahi dizkiegu, lurraldean bertan erabateko integrazio soziokultural egokia lortu dezaten. Horretarako, zenbait jarduera ludiko atontzen ditugu, Bizkaiko ingurune soziokulturalean sartzeko, giro atseginetan aldian aldiko topaketak antolatzeko eta aspaldi iritsi zirenen nahiz etorri berrien arteko harremanak ezartzeko, betiere antzeko interesik badute.
2013. urtearen amaieratik, jarduera horiek indartu ditugu Bilbao BBK Talent Programaren lankidetzari eta babesari esker.
NORENTZAT DA?
Harrera zerbitzuko erabiltzaileentzat, euren ezkontideak eta seme-alabak kontuan hartuta. Profesional horiek eta euren senideek munduko edozein lekutatik Bilbora/Bizkaira iritsi diren beste pertsona batzuk ezagutzeko aukera izango dute, gizarteratzen lagundu diezaieten.
Era berean, Euskaditik kanpo egon ondoren sorterrira itzultzen direnen kasua ere hartuko da kontuan.
EGINDAKO TOPAKETAK
