Gure lana goi-mailako pertsonei zein erakundeei zuzenduta dago. Bizkaia Talentetik laguntza ematen diegu Bizkaiko lurralde historikoan egoitza edo lantokia duten enpresei, teknologia-zentroei, unibertsitateei, elkarteei, ikerketa-zentro eta -taldeei eta fundazioei, baldin eta prestakuntza handiko pertsonak kontratatu badituzte edo erakundera batu nahi badute. Gainera, zerbitzuren bat, Networking-ekoa kasu, euskal lurralde historikoetako edozeinetan lantokia duten erakundeei ere zuzenduta dago.
Banakako pertsonei dagokienez, enpresa, unibertsitate edo beste erakunde batzuetan kontratatuta edo haiei lotuta dauden teknologo, ikertzaile, irakasle eta profesionalak laguntzen ditugu, baita laguntzaile, aholkulari edo aditu gisa lurralde historikoan proiektu berritzaile batean sartzen diren edo proiektuarekin lotura duten goi-mailako profesionalei eta ikertzaileei ere.
