Euskadi eskualde-mailako liderra, IT profesionalentzako soldatarik handienak dituela eta
2022/01/14
- Euskal erakundeek 43.000 euroko batez besteko soldata eskaintzen dute.
- Cloud Architect da gehien eskatzen den profila eta hoberen ordaintzen dena.
Urtean 43.000 euroko batez besteko soldata eta Espainiako Estatuan soldatarik handienak dituen eskualdea. Halakoa da IT profesionalaren batez besteko profila Euskadin, Experis-ek (ManpowerGroup) DigitalES patronal teknologikoarekin elkarlanean eta Digitalizazio eta Adimen Artifizialeko Estatuko Idazkaritzaren laguntzarekin eginiko Tech Cities 2021 azterlanaren arabera.
Euskal enpresek gehien eskatzen duten profila Cloud Architect da, zeinak Estatu osoan Euskadin jasotzen duen soldatarik handiena, batez beste 50.000 euro, hain zuzen ere, Estatuko batezbestekoa baino 7.364 euro handiagoa eta Euskadiko batez besteko soldata orokorra baino 18.478 euro handiagoa.
Gehien eskatzen diren hurrengo profilak SAP Consultant, Java developer eta Systems Administrator dira, nahiz eta ez izan hoberen ordaintzen direnak, halakoen profilen ranking honetan ikus daitekeen bezala:
- Cloud Architect: 50.000 € (Estatuko batezbestekoa: 42.636 €)
- Data Architect: 48.000 € (Estatuko batezbestekoa: 41.455 €)
- APP Mobile Developer: 46.000 € (Estatuko batezbestekoa: 39.636 €)
- SAP Consultant: 45.000€ (Estatuko batezbestekoa: 44.364 €)
- Full Stack Developer: 44.000 € (Estatuko batezbestekoa: 36.364 €)
- Data Analyst: 43.000 € (Estatuko batezbestekoa: 39.545 €)
- Ethical Hacker: 43.000 € (Estatuko batezbestekoa: 36.455 €)
- Cybersecurity Analyst SOC: 43.000 € (Estatuko batezbestekoa: 36.909 €)
- Systems Administrator: 39.000 € (Estatuko batezbestekoa: 34.273 €)
- Big Data Developer: 38.000 € (Estatuko batezbestekoa: 31.545 €)
- Java Developer: 34.000 € (Estatuko batezbestekoa: 31.091 €)
Etorkizunari dagokionez, txostenak iragarri du Cloud Specialist profila bilakatuko dela joera, bai Estatuan bai Euskadin.
