Euskadi, sukaldaritzako herrialdea eta Michelin izardun jatetxeen paradisua

Kritiko askoren iritziz, Euskadin askotariko gastronomia aurki daiteke, zinez biribila.

Euskadiko berrikuntza eta bikaintasuna goi-mailako sukaldaritzan ere islatzen dira: bertan dago munduko Michelin izarren kopururik handienetakoa biztanleko, 32 izar dituzten 22 jatetxe.

Iker Merodio

2024ko munduko 50 jatetxerik onenen zerrendak ere euskal jatetxeen kalitatea eta gozotasuna aitortu ditu; izan ere, William Reed Business Media argitaletxe-talde britainiarrak egindako zerrendari jarraiki, bi euskal jatetxe daude munduko onenen artean: Etxebarri (2. tokia) eta Elkano (28.a).

Euskadiko produkturik onenak dasta daitezke jatetxe saritu horietan: Kantauri itsasoko arrain eta itsaski arrantzatu berriak, ahoan sartu orduko desegiten diren labeldun haragi apartak… Hori guztia, gainera, upeltegi onenetako primerako ardoekin lagunduta egoten da beti, eta egilearen ukitu bikaina izaten du.

Iker Merodio

Hona hemen 2025eko Michelin Gidan izarrak dituzten euskal jatetxeen zerrenda. Guztietan ere, menu apartaz goza daiteke, bai eta nazioarteko ospea izateko arrazoiak egiaztatu ere:

HIRU MICHELIN IZAR

• Akelarre. Donostia.
• Arzak. Donostia.
• Azurmendi. Larrabetzu.
• Martín Berasategui. Lasarte-Oria.

BI MICHELIN IZAR

• Amelia. Donostia.
• Mugaritz. Errenteria.

MICHELIN IZAR BAT

• Alameda. Hondarribia.
• Ama. Tolosa.
• Andra Mari. Galdakao.
• Arrea. Santikurutze Kanpezu.
• Boroa. Amorebieta-Etxano.
• Elkano. Getaria.
• Eneko. Larrabetzu.
• Etxebarri. Axpe.
• Garena. Dima.
• Ibaia. Donostia.
• Kokotxa. Donostia.
• Mina. Bilbo.
• Nerua. Bilbo.
• Ola Martín Berasategui. Bilbo.
• Txispa. Axpe
• Zarate. Bilbo.