Euskadiko ekonomiak krisitik irteteko joera azkartu du, urteko hirugarren hiruhileko hazkuntza %3koa izan da-eta

Euskadiko ekonomia %3 igo da urteko hirugarren hiruhilekoan, 2014ko epealdi beraren aldean, hau da, aurreko hiruhilekoan lortutako hazkuntza baino hiru hamarren gehiago.

EUSTAT – Euskal Estatistika Erakundeak hiruhileko kontuen aurrerapena argitaratu du, eta egiaztatu egin da aurton barne-produktu gordinak (BPGd) gora egin duela 2014. urtearen aldean.

Lehenengo hiruhilekoan, ekonomiaren urte arteko hazkuntza %2,2koa izan da; bigarrenean, %2,7koa; eta, uztailetik irailera, %3koa.

2015eko hirugarren hiruhileko urte arteko hazkuntza industriaren eta zerbitzuen bultzadan oinarritu da, batez ere. Eraikuntzaren dinamismoa, ordea, “motelagoa” izan zen.

Lanaldi osoko lanpostu moduan neurtutako enplegua %1,8 igo zenez, urte arteko seigarren tasa positiboa izan zen. Hazkuntza hori aurreko hiruhilekoa baino hiru hamarren handiagoa izan da, beraz.